تیراختور گئدیب؛ نفتی، بلدیه ایله یاندیراق!

بو یازی شئعر دئییل! چوخ دا اؤنملی(مهم) دیر!

صاباح، ناهاردان سونرا، تیراختورون اهوازدا موسابیقهسی وار.
اهوازدا ، ان آزی بئش-آلتی یوز نفر تیراختورچو اولاجاق اونلاری آلقیشلاسینلار.
و البته تیراختور اویونچولاری ایندییه كیمی بیلیبلر نه بؤیوكلوكده تیمده اویناییرلار.
و آلقیشلایانلارین ساییسی آز اولسادا، اونلارین روحیهلری حریفدن یاخشی اولاجاق.
یقین كی، یاخشی احوالی اولمایان فولادی اوتماسالاردا بیر امتیاز حتمیدیر.
یاریشلارین یئنی جدولینده، بلدیهنین(شهردارینین) اویونو شنبه گونوندن، گلیب جومه گونونون ساعات ایكی یاریمینا!
بیر یاندان سئویندیجیدیر، بیر یاندان دا اوزوجو(تاسفآور).
سئویندیریجی اولماغی، جومه گونونه دوشمهسینه گؤره دیر.
اوزوجولویو ده، تیراختور اویونو ایله اوست-اوسته دوشمهیینه گؤره.
تجروبه بونو گؤستریر ، بوتون خالق تیراختور اویونو اولاندا، هر نهیی اونودورلار.
اللری چاتماسادا، گؤزلرین تیكیرلر تیلویزیونا.
حتی، اونودورلار كی بلدیهنین تبریز تئهرانین نفتین اوتماغی، سانكی تیراختورون قازانماغیدیر.
دوزدور هاوا چوخ سویوخدور،
دوزدور تبریز شاختاسی آدامین سوموكلرین تیترهدیر،
دوزدور ایستادیوما گئتمك چتیندیر،
دوزدور سیزه سایقی گؤستهریلمیر،
بونلارین هامیسی بللیدیر!
آنجاق تیلویزیوندان تیراختور اویونونا باخماق، تیراختورون باشاریسیندا اثر قویمایاجاق.
چوخدا یوخ، بلدیهنی تكجه ایگیرمی اوتوز مین آلقیشلاسار،
كسینلیكله تیراختورون اؤجو(انتقامی) آلیناجاق هئچ،
هم بلدیه جدولین یوخاریسینا چیخاجاق،
و هم تیراختورون رقیبینین تورموزو چكیلهجك.
بلدیهنی تك باشینا بوراخمایاق